深圳MINISO探索chiikawa之旅

*d分係評比MINISO X chiikawa,唔係比深圳 MINISO X chiikawa 聽到都覺得好吸引,以親民價錢買到chiikawa 周邊,之前官方話上海限定仲惗住冇希望,點知好快變左中國全國指定分店及淘寶發售,淘寶上星期一出就好快賣晒d吊飾公仔！既然有機會見到實物,上星期日就拖埋屋企人上深圳走一轉睇下實物。 深圳過咗境就可以直接搭地鐵去老街站,大約2個站左右就到,而且車費好平,就咁買單程票都冇問題,老街出站後揀東門方向出口隨便一個上去就得,但係有好多樓梯,唔想爬得咁辛苦就揀商場出口穿上去 。 今次去探路,東門唔係好大,行左4、5間MINISO分店,其中4間都係地舖,有一間最大有2層,都有chiikawa 賣,但公仔款式剩最多係2層果間,剩低果間店係商場入面好細冇chiikawa ,今次去d吊飾毛公仔一隻都見唔到,得番M size 毛公仔同其他精品。d毛公仔好軟好舒服,精品都整得好靚。 東門有好多唔同嘅衫、鞋之類嘅野賣,仲有好多老翻名牌袋,d價錢都唔係特別平,係香港街邊買嘅衫都係幾十蚊,平過深圳,質素手感都好d。 另外,我哋都行左d電玩同動漫周邊店,有好多夾公仔機,d公仔幾乎全都都係老翻,仲要整得勁醜樣,試左唔同嘅機,d夾同香港街邊果d一樣咁鬆完全冇力,伏到喊,而且係舖頭買都只係幾十蚊一隻,醜到夾到都想唔想帶番屋企,同泰國d老翻扭蛋一樣🤣 值得買又係正版公仔得MINISO同TOP TOY,至少d盲盒本身係大陸正版牌子平過香港買,其他果d分唔出,可能香港仲平仲抵買。 經過d餐廳都唔吸引同埋唔算太平,香港平時食開d平嘢同特價時段,對比之下d價錢都唔係抵好多,反而珍珠奶茶果類深圳十幾廿蚊就真係平過香港好多。 總結,如果深圳冇咩特別活動或期間限定都唔會再去,成年人市區去羅湖嘅車費來回超過80蚊,淘寶揾個識用集運倉嘅friend就可以買到chiikawa 大陸地區限定嘅公仔,運費都係幾十蚊,咁輕一大箱可能三十蚊都唔使🤣 #深圳探店 #chiikawa #miniso